Unai Emery tók við liði Arsenal í sumar en hann er að stýra liðinu á sínu fyrsta tímabili.
Emery hefur reynt fyrir sér víða í Evrópu en er þekktastur fyrir tíma sinn hjá Sevilla á Spáni.
Javi Gracia var sá fyrsti sem Emery hringdi í en hann er í dag stjóri Watford. Þeir voru áður samherjar hjá Real Sociedad.
Þeir mætast á morgun er Watford tekur á móti Arsenal í ensku úrvalsdeildinni.
,,Þegar þetta varð að möguleika þá var hann sá fyrsti í knattspyrnuheiminum sem ég hringdi í,“ sagði Emery.
,,Ég spurði hann nokkra spurninga út í fótboltann hérna, félögin, Arsenal og hann ráðlagði mér að koma.“
,,Svo hitti ég líka David Silva í Valencia á síðasta ári. Hann sagði mér að ég ætti að koma ef ég gæti gert það, að andrúmsloftið væri hvergi betra.“