Thierry Henry entist aðeins 104 daga í starfi hjá Monaco en hann tók við liðinu í október á síðasta ári.

Eftir mjög slæmt gengi var Henry svo rekinnn og tók Leonardo Jardim við keflinu á ný.

Aleksandr Golovin, leikmaður Monaco, hefur nú aðeins tjáð sig um þjálfarastíl Henry.

Hann segir að Frakkinn hafi auðveldlega orðið stressaður á æfingum sem hjálpaði ekki leikmönnum liðsins.

,,Þegar hlutirnir gengu ekki upp á æfingasvæðinu þá varð hann stressaður og öskraði mikið. Það var kannski óþarfi,“ sagði Golovin.

,,Hann var mjög sterkur karakter sem leikmaður og þeir einu sem komast nálægt honum hjá félaginu eru Cesc Fabregas og Radamel Falcao.“