Paul Scholes, fyrrum leikmaður Manchester United, hefur opnað sig um erfiða tíma sem knattspyrnustjóri Oldham Athletic.

Scholes var ráðinn stjóri Oldham fyrr á þessu tímabili en entist aðeins einn mánuð í starfi.

Scholes sagði upp eftir fjórar vikur en stjórn félagsins var byrjuð að blanda sér of mikið í það hvernig hann vildi stilla upp liðinu.

Þetta var fyrsta þjálfarastarf Scholes sem er nú byrjaður að starfa á ný fyrir sjónvarpsstöðina BT Sport.

,,Ég hef heyrt margar sögur af því að fólk hafi verið að blanda sér í málin og fyrstu þrjár vikurnar var eitthvað af því,“ sagði Scholes.

,,Þeir sögðu ekki ‘skildu hann eftir, hann getur ekki spilað, ekki spila þessum, spilaðu þeim sem ég segi’, það var ekkert þannig fyrstu þrjár vikurnar.“

,,Það var sumt gefið í skyn auðvitað en ég er ekki nógu heimskur til að fatta ekki hvað þeir voru að reyna að gera.“

,,Síðustu vikurnar komu upp nokkur vandamál með nokkra leikmenn. Reynslumiklir leikmenn sem mér fannst fá ósanngjarna meðferð frá félaginu.“

,,Ég þurfti ekki á því að halda. Mér líkaði vel við leikmennina og fann fyrir virðingu, ég hefði gert hvað sem er fyrir þá.“

,,En um leið og það er sagt við mig að ég megi ekki spila hinum og þessum.. Þá er kominn tími fyrir mig að fara.“

,,Það gerðist bara einu sinni en það var alveg nóg. Það var ýmislegt gefið í skyn en það fór ekki lengra en þetta.“