Brendan Rodgers tók við liði Leicester City fyrr á tímabilinu eftir dvöl hjá skoska stórveldinu Celtic.
Rodgers hefur náð mjög góðum árangri með Leicester hingað til og verður spennandi að sjá liðið á næstu leiktíð.
Hann mun fá pening til að versla í leikmannaglugganum og getur styrkt hópinn fyrir næsta vetur.
Enskir miðlar greina nú frá því að Rodgers horfi til Liverpool og vill fá framherja félagsins í sumar.
Rodgers var áður þjálfari Liverpool en var rekinn árið 2015 og tók Jurgen Klopp við keflinu af honum.
Rodgers ku hafa áhuga á að fá Daniel Sturridge í sínar raðir í sumar en þeir unnu saman á Anfield á sínum tíma.
Sturridge var frábær fyrir Liverpool undir stjórn Rodgers en hann verður samningslaus eftir tímabilið.