Kári Árnason, landsliðsmaður, byrjaði hjá liði Genclerbirligi í Tyrklandi í dag í leik gegn Balikesirspor.
Kári og félagar eru að berjast um toppsætið og stefna að því að komast upp í efstu deild Tyrklands.
Liðið vann 1-0 heimasigur í dag og er nú með 61 stig á toppi deildarinnar, tveimur stigum á undan Denizlispor.
Kári var í hjarta varnarinnar í sigrinum og stóð fyrir sínu er liðið hélt hreinu.