Það voru fjölmargir Íslendingar í eldlínunni í Evrópu í dag og fengum við einnig íslenskt mark.
Alfreð Finnbogason lék með liði Augsburg sem vann frábæran sigur í Þýskalandi. Albert komst þó ekki á blað í 3-1 útisigri á Frankfurt.
Í Rússlandi spiluðu bæði Ragnar Sigurðsson og Björn Bergmann Sigurðarson í 2-1 sigri Rostov á Spartak Moskvu.
Arnór Ingvi Traustason lék með liði Malmö í Svíþjóð sem vann 2-0 heimasigur á Östersunds en þetta var fyrsti sigur Malmö á tímabilinu.
Íslenska mark dagsins kom í næst efstu deild Noregs þar sem Start vann 2-1 sigur á Raufoss. Aron Sigurðarson skoraði fyrra mark Start í sigrinum.
Kristján Flóki Finnbogason lék einnig með Start en var tekinn af velli eftir 57 mínútur.
Í Grikklandi fór fram Íslendingaslagur er Larissa og PAOK áttust við. Ögmundur Kristinsson lék í marki Larissa í 1-1 jafntefli en Sverrir Ingi Ingason kom ekki við sögu hjá gestunum.