Cesc Fabregas, leikmaður Monaco, hefur greint frá því af hverju hann samdi við félagið í janúar.
Fabregas kom til Monaco frá Chelsea þar sem hann hafði spilað við góðan orðstír frá árinu 2014.
Miðjumaðurinn Jorginho kom þó til Chelsea í sumar ásamt stjóranum Maurizio Sarri og tók stöðu Fabregas í liðinu.
,,Mér líkar við að vera með markmið og það er alltaf mikilvægt að vera með þau í hausnum,“ sagði Fabregas.
,,Ég var hjá Chelsea og hefði getað framlengt samninginn minn og verið þar áfram en þjálfarinn tók með sér leikmann sem er eins og sonur hans.“
,,Það var erfitt fyrir mig að ná að spila alla leiki og það er það sem ég vil gera. Ég elska fótbolta. Ég vil ekki bara sætta mig við ákveðið margar mínútur.“