Aron Bjarnason hefur krotað undir nýjan samning við lið Breiðablik í Pepsi Max deildinni.
Þetta staðfesti félagið í dag en Aron gerði þriggja ára samning og er samningsbundinn til 2022.
Þessi 23 ára gamli leikmaður mun án efa spila stórt hlutverk í sumar en nú styttist í að deildarkeppnin fari af stað á ný.
Tilkynning Breiðabliks:
Framherjinn knái Aron Bjarnason hefur skrifað undir nýjan 3 ára samning við knattspyrnudeild Breiðabliks.
Aron sem er 23 ára gamall hefur spilað 61 leik fyrir Breiðablik og skorað í þeim 14 mörk. Hann hefur einnig leikið með Þrótti, ÍBV og Fram á ferlinum.
Aron kom til Breiðabliks frá ÍBV árið 2017 og hefur verið mikilvægur hlekkur í sóknarleik Blikaliðsins frá þeim tíma.
Aron hefur tekið stöðugum framförum síðan hann kom og hefur verið nær óstöðvandi á undirbúningstímabilinu. Hann mun án efa koma gríðarlega sterkur til leiks í Pepsi Max deildina.
Við Blikar fögnum þessum frábæru tíðindum. Það verður virkilega spennandi að fylgjast með þessum öfluga kantmanni á komandi tímabili