Ryan Fraser, leikmaður Bournemouth, er orðaður við lið Arsenal þessa dagana en hann hefur átt frábært tímabil.

Fraser gæti fært sig um set næsta sumar en hann er á óskalista nokkra liða eftir góðar frammistöður.

Hann viðurkennir að það sé gaman að vera orðaður við Arsenal en segir að sögusagnirnar hjálpi ekki.

,,Ég ætla ekki að ljúga, það er mjög gaman að heyra þetta,“ sagði Fraser við Sky Sports.

,,Þetta hefur kannski ekki hjálpað mér. Aftast í hausnum þá gætirðu verið að hugsa um þetta.“

,,Ég er bara að reyna að vinna mína vinnu. Það eru allir leikmenn sem segja það.“

,,Á sama tíma þá er það besta sem ég get gert að spila vel. Það er enginn tilgangur að opna sig um þetta og svo spila illa.“