Það eru margir stuðningsmenn Manchester United pirraðir yfir því að Ashley Young hafi fengið nýjan samning hjá félaginu.
Þessi 33 ára gamli fyrrum enski landsliðsmaður er talinn vera kominn yfir sitt besta en fær þó enn reglulega að spila.
Young skrifaði fyrr á tímabilinu undir nýjan samning og verður á mála hjá félaginu á næsta tímabili.
Hann hefur borið fyrirliðaband United á leiktíðinni, eitthvað sem Chris Sutton, sparkspekingur BT Sport, skilur ekki.
,,Við skulum hafa þetta á hreinu. Hann er versti fyrirliði í sögu Manchester United og versti hægri bakvörður í sögu félagsins,“ sagði Sutton.
Það er því óhætt að segja að Sutton sé ekki hrifinn en Young var harðlega gagnrýndur í tapi gegn Barcelona á miðvikudag.