Reiss Nelson, leikmaður Hoffenheim, hefur útskýrt af hverju hann var dæmdur í agabann hjá félaginu.
Þessi 19 ára gamli leikmaður er í láni hjá Hoffenheim frá Arsenal en hann var ekki í leikmannahópi liðsins í þarsíðustu umferð.
Nelson mætti of seint á æfingu liðsins og var í kjölfarið refsað. Það er þó búið að leysa málið og segir leikmaðurinn ungi að hann læri af reynslunni.
,,Ég mætti of seint á æfingu, ég mætti 20 mínútum of seint. Það er eitthvað sem ég þarf að læra af,” sagði Nelson.
,,Þú getur gert mistök en þetta er þitt starf og þú átt ekki að mæta of seint.”
,,Ég baðst afsökunar á þessu og þetta tilheyrir fortíðinni. Hann setti mig í hópinn í næstu viku því ég hafði gert vel.”