Andreas Christensen, leikmaður Chelsea, segir að það sé enginn leikmaður á förum frá félaginu í sumar.

Chelsea var á dögunum dæmt í félagaskiptabann og er útlit fyrir að félagið geti ekki keypt leikmenn í sumar.

Það gæti þýtt að stjarna liðsins, Eden Hazard, verði áfram en félagið má ekki við því að missa hann ef enginn kemur inn í staðinn.

,,Þessi staða sem ég er í, það hefur verið mjög erfitt að sætta sig við hana,“ sagði Christensen sem fær ekki mikið að spila.

,,Skilaboðin sem við höfum fengið er að Chelsea getur ekki áfrýjað og vill þess vegna halda öllum leikmönnum.“

,,Ég hef reynt að sanna mig á æfingasvæðinu en það er takmarkað hvað við æfum vegna allra leikjanna sem við spilum.“

,,Ég spila í Evrópudeildinni og vonandi heldur það áfram svo lengi sem við erum í keppninni.“