Emil Forsberg, leikmaður sænska landsliðsins, mun ekki taka þátt í leik gegn Noregi á þriðjudaginn.
Frá þessu greinir Sportbladet í Svíþjóð en heimildir blaðsins segja að Forsberg sé búinn að yfirgefa æfingabúðir sænska liðsins.
Forsberg leikur með RB Leipzig í Þýskalandi og var í byrjunarliðinu í 2-1 sigri á Rúmeníu á dögunum.
Hann varð hins vegar öskuillur út í landsliðsþjálfarann Janne Andersson sem ákvað að taka miðjumanninn af velli í síðari hálfleik.
Samband Forsberg og Andersson hefur ekki alltaf verið gott og er sá fyrrnefndi búinn að fá nóg samkvæmt þessum fregnum.
Forsberg vildi fá að klára leikinn gegn Rúmeníu en Andersson taldi hann ekki vera í nógu góðu standi til þess.