Hannes Þór Halldórsson, landsliðsmarkvörður, þurfti að sækja knöttinn fjórum sinnum í netið í kvöld er Ísland spilaði við Frakkland.
Um var að ræða leik í undankeppni EM en heimsmeistararnir höfðu betur sannfærandi, 4-0 á heimavelli.
,,Þetta er svona. Ef þú ætlar að ná einhverju úr svona leik þá þarf allt að ganga upp og allir þurfa að eiga topp dag og þeir þurfa að eiga off dag og við þurfum að hafa heppnina með okkur. Það var bara ekki svoleiðis dagur í dag,“ sagði Hannes.
,,Við vorum alveg fínir þannig séð þar til þeir skora annað markið. Þó þeir hafi átt slatta af sénsum og svona þá er það ekkert ósvipað og í þessum leikjum sem við náum í stór úrslit gegn stórum þjóðum.“
,,Þetta virtist vera að þróast í ágætis leik fyrir okkur áður en þeir skora annað markið og eftir það var þetta búið.“
,,Mér finnst ekki erfitt að spila leikkerfið. Mér leist vel á að fara í þennan leik með þetta upplegg, að múra svolítið fyrir framan teiginn því þú færð ekki erfiðari útileik en þennan.“
Nánar er rætt við Hannes hér fyrir neðan.
