Það var boðið upp á frábæran leik í undankeppni EM í kvöld er Holland og Þýskaland áttust við.
Leikið var á Johan Cruyff Arena í Hollandi og voru það gestirnir frá Þýskalandi sem höfðu að lokum betur.
Leroy Sane og Serge Gnabry komu Þýskalandi í 2-0 í fyrri hálfleik og var staðan þannig eftir fyrstu 45 mínúturnar.
Heimamenn svöruðu fyrir sig í síðari hálfleik með mörkum frá Mathijs de Ligt og Memphis Depay og tókst að jafna metin.
Það var svo Nico Schulz sem tryggði Þýskalandi öll þrjú stigin með sigurmarki á lokamínútu leiksins og sigur Þjóðverja staðreynd.
Belgía var á sama tíma í engum vandræðum í Kýpur en liðið vann þar sannfærandi 2-0 sigur á heimamönnum.
Norður Írland lagði Hvíta-Rússland, Pólland vann heimasigur á Latvíu og Slóvenía og Makedónía gerðu 1-1 jafntefli.
Holland 2-3 Þýskaland
0-1 Leroy Sane
0-2 Serge Gnabry
1-2 Matthijs de Ligt
2-2 Memphis Depay
2-3 Nico Schulz
Kýpur 0-2 Belgía
0-1 Eden Hazard
0-2 Michy Batshuayi
Norður Írland 2-1 Hvíta-Rússland
1-0 Jonny Evans
2-0 Josh Magennis
Pólland 2-0 Latvia
1-0 Robert Lewandowski
2-0 Kamil Glik
Slóvenía 1-1 Makedónía
1-0 Miha Zajc
1-1 Enis Bardhi