Jose Mourinho, fyrrum stjóri Manchester United, telur að ekkert enskt lið muni komast í úrslit Meistaradeildarinnar í maí.
Manchester City, United, Tottenham og Liverpool eru öll á lífi í keppninni en 8-liða úrslitin hefjast í næsta mánuði.
Mourinho telur þó að það séu tvö lið sem eru mun líklegri til að komast alla leið þetta árið.
,,Sigurstranglegustu liðin? Ég myndi segja Juventus og Barcelona,“ sagði Mourinho við Calciomercato.
,,Það tala allir um Lionel Messi og Cristiano Ronaldo en ég kýs að tala um Juve og Barca.“
,,Ensku liðin eru góð, Ajax og Porto líka en þau eru ekki með sömu reynslu innanborðs. Að vera með Messi og Ronaldo er líka ákveðinn bónus.“