Diego Maradona, fyrrum besti leikmaður heims, sá Argentínu tapa óvænt 3-1 gegn Venesúela í æfingaleik á dögunum.
Argentína var talið mun sigurstranglegra liðið fyrir leikinn en tapaði óvænt með stjörnur eins og Lionel Messi innanborðs.
Maradona var brjálaður eftir leikinn og segir að margir af þessum leikmönnum eigi ekki skilið að spila fyrir hönd þjóðarinnar.
,,Ég er ekki hrifinn af hryllingsmyndum en ég veit ekki hvernig þessir óhæfu menn sem eru við stjórnvölin hjá Argentínu ætluðu að sigra Venesúela,“ sagði Maradona.
,,Þetta særir mig því ég er argentínskur út í gegn en leikmenn liðsins í dag eiga ekki skilið að klæðast landsliðstreyjunni.“
,,Leikmenn eins og Oscar Ruggeri, Gabriel Batistuta og Claudio Caniggia voru með hana húðflúraða á sig.“