Divock Origi, leikmaður Liverpool, er tilbúinn að spila hvar sem er fyrir liðið svo lengi sem hann fær mínútur á velli.

Origi er 23 ára gamall í dag en hann hefur alls ekki verið fastamaður á Anfield síðan hann kom frá Lille.

Framherjinn hefur þó komið aðeins við sögu á tímabilinu og tekur að sér það hlutverk sem Jurgen Klopp biður hann um að sinna.

,,Þetta er liðsíþrótt eins og ég hef alltaf sagt. Ég reyni að láta ljós mitt skína um leið og ég fæ tækifærið,“ sagði Origi.

,,Ég einbeiti mér að því sem ég get gert til að hjálpa liðinu, hvað sem það hlutverk er. Ég verð að vera jákvæður.“

,,Ég veit að markmiðin eru stór svo ég er ánægður með að spila hvaða stöðu sem er. Ég er metnaðarfullur og vil ,,spila eins mikið og ég get.“