Það fóru fram tveir aðrir leikir í riðli Íslands í undankeppni EM í kvöld en okkar strákar spiluðu við Andorra.
Eins og flestir vita vann Ísland góðan 2-0 útisigur í Andorra þar sem Birkir Bjarnason og Viðar Örn Kjartansson skoruðu.
Ísland mætir Frakklandi í næsta leik eftir þrjá daga en heimsmeistararnir mættu Moldavíu í kvöld.
Frakkar voru í engum vandræðum í þeim leik og unnu sannfærandi 4-1 útisigur.
Einnig fór fram viðureign Albaníu og Tyrklands í okkar riðli. Þar höfðu Tyrkir betur 2-0 á útivelli.
Fleiri leikir voru á dagskrá og vann England til að mynda frábæran 5-0 sigur á Tékklandi.
Hér má sjá úrslit kvöldsins.
Moldavía 1-4 Frakkland
0-1 Antoine Griezmann
0-2 Raphael Varane
0-3 Olivier Giroud
0-4 Kylian Mbappe
1-4 V. Ambros
Albanía 0-2 Tyrkland
0-1 Burak Yilmaz
0-2 Hakan Calhanoglu
England 5-0 Tékkland
1-0 Raheem Sterling
2-0 Harry Kane(víti)
3-0 Raheem Sterling
4-0 Raheem Sterling
5-0 Tomas Kalas(sjálfsmark)
Portúgal 0-0 Úkraína