ÍA 4-0 KA
1-0 Albert Hafsteinsson (30′)
2-0 Tryggvi Hrafn Haraldsson (38′)
3-0 Gonzalo Zamorano (53′)
4-0 Bjarki Steinn Bjarkason (56′)
Lið ÍA fór illa með KA í undanúrslitum Lengjubikarsins í dag en leikið var í Akraneshöllinni.
Bæði ÍA og KA hafa verið á góðu róli á undirbúningstímabilinu og var því búist við spennandi leik í kvöld.
Það var þó aðeins eitt lið á vellinum á Akranesi í kvöld og það voru heimamenn í ÍA.
Staðan var 2-0 fyrir ÍA eftir fyrri hálfleik og bætti liðið svo við tveimur mörkum í seinni og vann sannfærandi 4-0 sigur.
ÍA mætir annað hvort FH eða KR í úrslitum A-deildar en þau lið mætast þann 30. mars í seinni undanúrslitaleiknum.
