Arsene Wenger, fyrrum stjóri Arsenal, var með mann í huga sem hann vildi sjá taka við af sér í sumar.
Blaðamaðurinn Ciro Venerato greinir frá þessu en Wenger vonaðist eftir að Carlo Ancelotti myndi taka við keflinu.
Arsenal skoðaði þann möguleika á að ráða Ancelotti til starfa sem vann ensku úrvalsdeildina með Chelsea árið 2010.
Félagið ákvað hins vegar að leita frekar til Unai Emery sem er enn stjóri liðsins í dag.
Ancelotti tók í kjölfarið við Napoli og mun einmitt spila gegn Arsenal í 8-liða úrslitum Evrópudeildarinnar.
Ancelotti á kanadíska eiginkonu sem býr í London ásamt fjölskyldu hans. Hann hafði mikinn áhuga á að snúa aftur til landsins.