Þeir Thomas Muller, Mats Hummels og Jerome Boateng hafa leikið sinn síðasta landsleik fyrir Þýskaland.
Svo lengi sem Joachim Low er við stjórnvölin hjá Þýskalandi þá fá þessir þrír leikmenn ekki tækifæri.
Low greindi sjálfur frá þessari ákvörðun fyrr í mánuðinum en hann vill gefa yngri leikmönnum tækifæri.
Muller, Hummels og Boateng hafa lengi verið mikilvægir leikmenn fyrir landsliðið og unnu HM með liðinu árið 2014.
Þeim var þakkað fyrir góð störf í kvöld fyrir leik Þýskalands og Serbíu en um æfingaleik var að ræða.
,,Takk fyrir 5-13-17,“ mátti sjá í stúkunni á Volkswagen Arena í kvöld en það eru númerin sem leikmennirnir klæddust hjá landsliðinu.