Alvaro Morata, leikmaður Atletico Madrid, skilur af hverju Manchester City hefur áhuga á miðjumanninum Saul Niguez.
Saul er 24 ára gamall í dag en hann hefur lengi verið einn mikilvægasti leikmaður Atletico.
City er sterklega orðað við leikmanninn þessa dagana og gæti þurft að borga 80 milljónir evra fyrir hans þjónustu.
Morata er í láni hjá Atletico frá Chelsea en leikur einnig með Saul í spænska landsliðinu.
,,Svona virkar markaðurinn, bestu leikmennirnir eru alltaf orðaðir við toppliðin í hverjum glugga,“ sagði Morata.
,,Saul er einn sá besti í sinni stöðu og hann er enn ungur. Við vonum að hann verði áfram en öll toppliðin vilja fá hann í sínar raðir.“