David Beckham, eigandi Inter Miami í Bandaríkjunum, útilokar ekki að reyna við stærstu stjörnur fótboltans í framtíðinni.
Beckham og félagar í Inter Miami munu leika í MLS deildinni á næsta ári en hann hefur lagt mikla vinnu í verkefnið.
Margir leikmenn eru orðaðir við félagið og þar á meðal tveir bestu leikmenn heims, Cristiano Ronaldo og Lionel Messi.
Beckham útilokar ekki að reyna við stórstjörnurnar sem eru þó enn að spila í hæsta gæðaflokki.
,,Það eru allir með sinn óskalista – Allir! Ef þú horfir á hvernig Leo og Cristiano eru enn að spila, þú myndir halda að þeir væru komnir á seinni árin í boltanum en ég sé þetta ekki enda fyrir þá,“ sagði Beckham.
,,Þeir eru enn að spila í svo háum gæðaflokki og það er erfitt að sjá þá yfirgefa þau félög sem þeir spila fyrir. Við skulum sjá til. Þú veist aldrei hvað gerist í fótboltanum.“