Kylian Mbappe, leikmaður Paris Saint-Germain, hefur verið sektaður um 150 þúsund pund af félaginu.
Frá þessu er greint í kvöld en Mbappe er refsað fyrir að mæta seint á liðsfund á síðasta ári.
Það er ansi athyglisvert að hann fái refsingu mörgum mánuðum seinna en Mbappe mætti of seint á fund fyrir leik gegn Marseille þann 28. október.
AS greinir frá því að Mbappe hafi nú skrifað undir skjal þar sem hann viðurkennir mistökin.
Mbappe er aðeins 20 ára gamall en hann er einn launahæsti leikmaður franska stórliðsins.
Mbappe var ekki sá eini sem fékk refsingu en liðsfélagi hans Adrien Rabiot var sektaður um sömu upphæð fyrir sama brot.
