Það er útlit fyrir það að markvörðurinn Heurelho Gomes sé að hætta knattspyrnuiðkun.
Þetta staðfesti hann sjálfur í dag en Gomes hefur undanfarin ár spilað með Watford á Englandi.
Gomes var lengi aðalmarkvörður Watford en hann gekk í raðir liðsins frá Tottenham.
Ben Foster er nú aðalmarkvörður Watford og er útlit fyrir að tími Gomes hjá félaginu sé liðinn.
Hann staðfesti í samtali við félagið í dag að það væru 99 prósent líkur á að þetta væri hans síðasta tímabil.
Gomes er 39 ára gamall og hafði áður hug á að enda ferilinn í heimalandinu Brasilíu en hefur skipt um skoðun.