Jose Mourinho, fyrrum stjóri Manchester United, vonar að liðið mæti enskum mótherja í 8-liða úrslitum Meistaradeildarinnar.
United tryggði sér sæti í 8-liða úrslitum nýlega eftir frábæran 3-1 sigur á Paris Saint-Germain.
Mourinho var rekinn frá United í desember en hann vill að ensk lið spili við hvort annað í næstu umferð.
United er eitt af fjórum liðum frá Englandi sem eru eftir en Tottenham, Liverpool og Manchester City verða öll í pottinum er dregið er á morgun.
,,Ég vil sjá ensk lið spila sín á milli, án þess að vera með einhverja óska viðureign,“ sagði Mourinho.
,,Ég myndi vilja tvo leiki þar sem ensk lið mætast, það þýðir að tvö af þeim fara í undanúrslit.“
,,Sem dæmi Manchester City gegn Manchester United eða Tottenham gegn Liverpool, það væru frábærir leikir.“
