Lið Slavia Prague tryggði sér sæti í 8-liða úrslitum Evrópudeildarinnar í kvöld er liðið mætti Sevilla.
Það var boðið upp á ótrúlegan leik í Tékklandi en fyrri leiknum lauk með 2-2 jafntefli á Spáni.
Leik kvöldsins lauk einnig með 2-2 jafntefli og þurftu úrslitin því að ráðast í framlengingu.
Sevilla skoraði fyrsta mark framlengingarinnar er Franco Vazquez skoraði og þurftu heimamenn að gera tvö mörk til að komast áfram.
Það er nákvæmlega það sem Slavia gerði en mörk liðsins komu á 102 og 119. mínútu og fer liðið áfram samanlagt 6-5!
Benfica er einnig komið áfram eftir framlengdan leik við Dinamo Zagreb frá Króatíu.
Staðan var 1-0 eftir venjulegan leiktíma líkt og í Króatíu en þeir portúgölsku skoruðu tvö mörk í framlengingu og fara áfram samanlagt 3-1.
Slavia Prague 4-3 Sevilla(6-5)
1-0 Michael Ngadeu-Ngadjui(15′)
1-1 Wissam Ben Yedder(víti, 44′)
2-1 Tomas Soucek(47′)
2-2 Munir El Haddadi(54′)
2-3 Franco Vazquez(98′)
3-3 Mick van Buren(102′)
4-3 Simon Kjær(sjálfsmark, 119′)
Benfica 3-0 Dinamo Zagreb(3-1)
1-0 Jonas(71′)
2-0 Ferro(94′)
3-0 Alex Grimaldo(105′)