Schalke í Þýskalandi hefur ákveðið að losa sig við knattspyrnustjórann Domenico Tedesco.
Þetta staðfesti félagið í kvöld og mun fyrrum stjóri liðsins Huub Stevens taka við liðinu.
Schalke náði frábærum árangri undir Tedesco á síðustu leiktíð en hann starfaði hjá félaginu í tvö ár.
Schalke komst í 16-liða úrslit Meistaradeildarinnar á tímabilinu en tapaði 7-0 gegn Manchester City á þriðjudag.
Það reyndist síðasti naglinn í kistu Tedesco en gengi Schalke í deildinni hefur einnig verið slæmt.
Liðið situr í 14. sæti deildarinnar og mun nú reyna að snúa blaðinu við undir stjórn Stevens.