Framherjinn Krzysztof Piatek sem spilar með AC Milan, er einn heitasti framherji Evrópu í dag.
Piatek gekk í raðir Milan frá Genoa í janúar og hefur verið frábær fyrir liðið síðan hann skrifaði undir.
Piatek er 23 ára gamall en hann hefur gert sex mörk í fyrstu sjö deildarleikjum sínum á San Siro.
Hann hefur nú staðfest það að Arsenal hafi verið sitt uppáhalds lið á yngri árum.
,,Þegar ég var yngri þá var ég stuðningsmaður Arsenal,“ sagði Piatek í samtali við Tuttosport.
,,Ég elskaði leikstíl Arsene Wenger og leit upp til leikmanna eins og Thierry Henry og Dennis Bergkamp.“
Það er því ekki ólíklegt að Piatek færi sig til Englands einn daginn en hann gerði fjögurra ára samning við Milan í byrjun árs.
