Robert Pires, fyrrum leikmaður Arsenal, telur að liðið geti farið alla leið í Evrópudeildinni og unnið keppnina.
Arsenal spilar við Rennes á morgun á Emirates en liðið tapaði fyrri leiknum 3-1 í Frakklandi.
Pires hefur þó enn trú á að liðið geti snúið einvíginu við og unnið keppnina undir stjórn Unai Emery.
,,Ég er fullur sjálfstrausts eins og allir leikmennirnir. Þeir og Unai Emery vita að spilamennskan gegn Rennes var slæm en svona er fótboltinn,“ sagði Pires.
,,Kannski er það því Rennes spilaði vel. Andrúmsloftið var gott og stuðningsmennirnir settu pressu á þá.“
,,Því miður fékk Sokratis rautt spjald en við fáum annan séns á Emirates. Það er skrítið en eftir sigurinn á Manchester United þá hef ég góða tilfinningu.“
,,Það getur allt gerst því þegar Arsenal spilar á heimavelli geta þeir unnið hvaða lið sem er.“
,,Emery er að gera vel því þeir eru í topp fjórum og ég held að þeir geti komist í Meistaradeildina fyrir næstu leiktíð.“
,,Ég held að þeir geti unnið Evrópudeildina því hann vann keppnina þrisvar með Sevilla. Hann er með mikla reynslu og það eru gæði í þessum hóp.“