Bernardo Silva, leikmaður Manchester City, hefur skrifað undir nýjan langtímasamning við félagið.
Þetta staðfesti City í kvöld en Silva hefur krotað undir til ársins 2025 og er samningsbundinn næstu sex árin.
Silvak kom til City árið 2017 og hefur síðan þá skorað 11 mörk í 64 deildarleikjum fyrir félagið.
Hann er orðinn mikilvægur hlekkur í liði City en Pep Guardiola er mikill aðdáandi leikmannsins.
Silva lék áður fyrir Monaco í Frakklandi en hann er 24 ára gamall portúgalskur landsliðsmaður.