Það stefnir allt í það að Ole Gunnar Solskjær fái starfið hjá Manchester United til framtíðar. Gengi liðsins undir hans stjórn hefur verið gott.
Solskjær tók við í desember þegar Jose Mourinho var rekinn úr starfi og allt var í steik innan vallar.
Fyrsta tap Solskjær í deildinni kom um liðna helgi þegar liðið tapaði gegn Arsenal á útivelli. Fræknasti sigur hans kom í síðustu viku gegn PSG í Meistaradeildinni.
Solskjær kom til United frá Molde en félagið þarf að greiða norska félaginu um 8 milljónir punda þegar gengið verður frá ráðningu Solskjær.
Mirror heldur þvi fram að Solsær verði ráðinn til framtíðar eftir næstu helgi eða þegar landsleikjafrí verður í gangi. Það telur félagið vera góðan tímapunkt til að ganga frá málunum.
Þegar Solskjær fékk starfið ætlaði félagið ekki að gera neitt fyrr en í sumar en nú vill félagið heldur ganga frá málum og byrja að undirbúa kaup og sölur sumarsins.