Zinedine Zidane hefur verið ráðinn þjálfari Real Madrid á Spáni í annað sinn en þetta var staðfest í gær.
Zidane yfirgaf lið Real óvænt eftir síðustu leiktíð en sú ákvörðun var algjörlega hans eigin. Frakkinn vann þrjá Meistaradeildartitla á Santiago Bernabeu áður en hann ákvað að stíga til hliðar.
Julen Lopetegui tók við í sumar og hann var svo rekinn áður en Santiago Solari þurfti að stíga inn í.
Gengi Real hefur verið hörmulegt á tímabilinu og er Zidane fenginn inn til að koma hlutunum í lag.
Spænskir miðlar segja að Zidane muni fá 300 milljónir punda í leikmannakaup í sumar, hann getur því verslað mikið.
Sammkvæmt Daily Telepgrah er Eden Hazard fyrstur á blaði Zidane, Real Madrid var byrjað að ræða kaup á honum áður en Zidane tók við.
Chelsea þarf að selja Hazard í sumar ef félagið ætlar ekki að eiga á hættu á að missa hann frítt. Draumur Hazard er að spila með Real Madrid og fyrir Zidane.
Telegraph segir að Hazard sé til sölu fyrir 100 milljónir punda.
