Ray Parlour, fyrrum leikmaður Arsenal, hvetur Alexis Sanchez, leikmann Manchester United, að fara til Spánar á ný.
Sanchez lék eitt sinn með liði Barcelona en fór síðar til Arsenal og samdi svo við United á síðasta ári.
Þar hefur lítið gengið upp hjá Sanchez sem þykir ekki hafa staðið undir væntingum.
Parlour vill sjá United reyna að næla í Gareth Bale, leikmann Real í skiptum fyrir Sanchez.
,,Hann var frábær fyrir Arsenal. Mér líkar við hann. Hann var einn af þessum leikmönnum sem þú borgaðir til að fylgjast með,“ sagði Parlour.
,,Þetta hefur ekki gengið upp hjá honum. Ég myndi fara til Real Madrid og skipta á honum og Gareth Bale. Þeir eru með svipuð laun.“
