Lið Real Madrid er í veseni þessa stundina en liðið leikur við Ajax í Meistaradeild Evrópu.
Fyrri leik liðanna lauk með 2-1 sigri Real í Hollandi og var liðið því í góðri stöðu fyrir heimaleikinn í kvöld.
Ajax kom gríðarlega sterkt til leiks og er staðan nú 2-0 fyrir gestunum eftir fyrri hálfleikinn.
Eins og staðan er þá er Real á leið úr keppninni en liðið hefur unnið deild þeirra bestu þrjú ár í röð.
Hakim Ziyech kom Ajax yfir á sjöundu mínútu áður en David Neres bætti við öðru marki.
Real þarf því að skora tvö mörk í seinni hálfleik til að komast áfram eða eitt til að tryggja framlengingu.