Leikmenn Manchester United elska lífið undir stjórn Ole Gunnar Solskjær en sagt er að þeir vonist til þess að hann fái starfið til framtíðar.

Solskjær tók við United í desember og er með samning út tímabilið, gott gengi undir hans stjórn hefur opnað á þær dyr að hann taki starfið til framtíðar.

,,Það er magnað að sjá starfið sem Ole hefur unnið síðan hann kom inn, hann hefur breytt miklu og það er jákvæðni á svæðinu núna,“ sagði Luke Shaw bakvörður liðins um Solskjær.

,,Hann veit hversu góðir við getum verið, ef við erum ekki að spila eins vel og leikmenn Manchester United eiga að gera, þá lætur hann vita af því.“

,,Við höfum átt augnablik þar sem við höfum slakað á, hann segir okkuar nákvæmlega hvað hann vill.“

,,Það er gott að hafa hann, þú þarft stundum spark í rassinn frá stjóranum, ef þér er byrjað að líða of vel. Það heldur öllum á tánum, hann er magnaður gæi og frábær stjóri.“