Alvaro Morata, leikmaður Atletico Madrid, hefur grínast með það að hann vilji að varnarmaðurinn Leonardo Bonucci berji sig í kvöld.
Bonucci og Morata mætast í Meistaradeild Evrópu en Atletico og Juventus eigast við í 16-liða úrslitum Meistaradeildarinnar.
Bonucci grínaðist sjálfur með það í gær að hann ætlaði að láta Morata finna vel fyrir því en þeir léku saman hjá Juventus á sínum tíma.
,,Ég vona að hann lemji mig. Ef það er ekki sparkað í mig þá væri það gott merki fyrir þá,“ sagði Morata.
,,Fyrst verð ég að vera á vellinum og svo geta þeir gert það sem þeir vilja. Ef þeir tuska mig vel til þá væri það gott.“
