Ander Herrera er að gera nýjan samning við Manchester United ef marka má ensk blöð. Samningur hans er á enda í sumar.
Búist er við því að þessi 29 ára gamli miðjumaður geri þriggja ára samning og fái um 100 þúsund pund í laun á viku.
Herrera hefur stigið vel upp eftir að Ole Gunnar Solskjær tók við liðinu, hann hefur spilað afar vel.
Herrera var besti maður vallarins þegar United vann sigur á Chelsea í enska bikarnum á mánudag, þar skoraði hann fyrra mark leiksins.
Herrrea kom til United sumarið 2014 frá Athletic Bilbao á Spáni en það var Louis van Gaal sem keypti hann.
