Maurizio Sarri, stjóri Chelsea, hefur ákveðið að gagnrýna miðjumanninn öfluga N’Golo Kante.
Kante spilar í nýrri stöðu undir Sarri á þessu tímabili og virðist oft vera í smá erfiðleikum með að læra.
Sarri vill nota Kante í meira sóknarhlutverki en hann spilaði undir stjórn Antonio Conte í fyrra.
Sarri hefur nú gagnrýnt Kante í þessari stöðu og segir að hann sé ekki fullkominn til að spila þetta hlutverk.
,,Í þessari stöðu þá vil ég að leikmenn geti fært boltann mjög hratt á milli,“ sagði Sarri á blaðamannafundi.
,,Það er ekki besti eiginleiki N’Golo Kante. N’Golo er gagnlegur fyrir okkur en þetta er ekki hans besta hlið.“