Manchester City á Englandi festi kaup á varnarmanninum Joleon Lescott árið 2009 fyrir 22 milljónir punda.
Lescott var fenginn til City frá Everton og myndaði um tíma öfluga varnarlínu með núverandi fyrirliða liðsins, Vincent Kompany.
Það var Wayne Rooney, fyrrum leikmaður Manchester United, sem sagði Lescott að semja við City sem ætlaði sér stóra hluti á næstu árum.
,,Stjórnarformaðurinn sagði mér söguna af því hvar félagið vildi vera,“ sagði Lescott.
,,Augljóslega er það auðvelt fyrir hann að selja þá sjón því hann er fyrst og fremst viðskiptamaður.“
,,Hann trúði því að félagið myndi komast á þann stað sem það er á í dag. Sem leikmaður vonaðist ég eftir að sjá það gerast en ekki svona fljótt.“
,,Rio [Ferdinand] man örugglega eftir því þegar ég ræddi við hann og Wayne Rooney á þessum tíma.“
,,Wayne er með stórt Everton hjarta og hann hvatti mig til að fara þangað því metnaður félagsins hentaði mér sem leikmanni.“
,,Hann sagði mér að fara þangað og vera partur af þróun félagsins og sú þróun hefur ekki komið mér á óvart.“