Paul Pogba, miðjumaður Manchester United hefur sprungið út undir stjórn Ole Gunnar Solskjær. Hann fann sig hins vegar ekki undir stjórn Jose Mourinho.

Samband þeirra félaga var ekki gott, Mourinho vildi meira frá Pogba og fór reglulega í stríð við hann. Mourinho var duglegur að gagnrýna miðjumanninn og enskir miðlar fjölluðu mikið um það.

Talsvert var af neikvæðum fréttum um Pogba og samkvæmt Manchester Evening News, hafði Mourinho gaman af þeim. Hann kunni vel við það að Pogba væri teiknaður upp sem letingi og að hann væri með hugann við annað en United.

Á endanum ákvað stjórn United að reka Mourinho úr starfi í desember, hefði það ekki gerst er líklegt að Pogba hefði reynt að koma sér burt.

Solskjær hefur náð því besta fram úr Pogba sem hefur komið að 15 mörkum á síðustu tveimur mánuðum. Solskjær virðist kunna á Pogba og hvernig hægt er að ná því besta fram úr honum.