Petr Cech, markvörður Arsenal, hefur gefið það út að hann sé að kveðja eftir mjög farsælan feril.
Cech hefur undanfarin ár leikið með Arsenal en gerði garðinn frægan með grönnunum í Chelsea.
Cech mun leggja hanskana frægu á hilluna í sumar og þarf Arsenal að finna arftaka hans.
Bernd Leno er aðalmarkvörður Arsenal þessa stundina en hann þarf á alvöru samkeppni að halda.
Samkvæmt veðbönkum er Joe Hart líklegastur til að taka við af Cech á Emirates.
Aðrir leikmenn eins og Loris Karius, Jack Butland og Wojciech Szczesny koma til greina.