Það var alls engin markaveisla í Meistaradeild Evrópu í gær en tvær viðureignir fóru fram. Stærri leikur gærdagsins fór fram á Anfield þar sem Liverpool fékk Bayern Munchen í heimsókn.
Það var boðið upp á ansi fjörugan leik í Liverpool en um var að ræða fyrri leikinn af tveimur.
Því miður fyrir áhorfendur voru engin mörk á boðstólnum og lauk leiknum með markalausu jafntefli.
Mörkin hafa ekki verið að koma eins auðveldlega fyrir lærisviena Jurgen Klopp, eins og áður
Liverpool hefur spilað átta leiki á þessu ári og skorað 12 mörk, aðeins eitt og hálft mark í leik. Á sama tíma er Manchester City búið að skora 46 mörk í 12 leikjum, 3,83 mörk í leik.
Þessi lið eru í harðri baráttu um að vinna ensku úrvalsdeildina en Liverpool hefur aðeins tapað einum deildarleik á tímabilinu.
Þannig hafa bæði Crystal Palace og Wolves verið að skora fleiri mörk árið 2019 en lærisveinar Jurgen Klopp.
Liverpool fer í stórt próf á sunnudag þegar liðið heimsækir Manchester United sem hefur verið að hitna undir stjórn Ole Gunnar Solskjær.
