Pierre-Emerick Aubameyang, leikmaður Arsenal, hefur sent Unai Emery, stjóra liðsins, skýr skilaboð.
Aubameyang hefur raðað inn mörkum fyrir Arsenal síðan hann kom til félagsins frá Dortmund í fyrra.
Hann þarf þó oft að spila á vængnum og segir að það sé ekki sín besta staða þó hann geti spilað þar.
,,Uppáhalds staðan mín er að spila sem framherji. Það er líka allt í lagi að spila á vængnum en besta staðan mín er frammi,“ sagði Aubameyang.
,,Ég vil spila með tvo framherja því þá geturðu náð spili saman við hinn sóknarmanninn.“
,,Ef stjórinn vill nota mig á hægri eða vinstri væng þá er það allt í lagi. Ég berst fyrir liðið svo það eru engin vandamál þar.“