Maurizio Sarri er búinn að stýra Chelsea í sínum síðasta leik eftir 2-0 tap gegn Manchester United í gær.
Þetta segir Chris Sutton, fyrrum leikmaður liðsins, en Chelsea tapaði 2-0 í bikarnum og er úr leik.
Gengið hefur verið slæmt hjá þeim bláklæddu undanfarið sem spila brátt við Manchester City í úrslitum deildarbikarsins.
,,Þetta var síðasti leikur Sarri hjá Chelsea. Ítalska verkefnið er búið,“ sagði Sutton.
,,Hann er alveg búinn. Þessi Sarri-bolti er bilaður. Eigandi Chelsea mun hugsa hvort þeir nái efstu fjórum sætunum.“
,,Hann hugsar hvort þeir geti farið í Manchester City leikinn með sjálfstraust? Kemur ekki til greina.“
,,Sagan segir okkur að eigandi Chelsea er ekkert að leika sér eða grínast.“