Roy Hodgson, þjálfari Crystal Palace á Englandi, er orðinn elsti knattspyrnustjóri í sögu ensku úrvalsdeildarinnar.

Hodgson hefur undanfarin tvö ár þjálfað lið Palace en hann var áður landsliðsþjálfari Englands í fjögur ár.

Hodgson er 71 árs gamall í dag og hefur nú bætt met Sir Bobby Robson sem var áður elsti þjálfari í sögu deildarinnar.

Robson var rekinn frá Newcastle árið 2004 en hann var þá 71 árs og 191 daga gamall.

Hodgson bætti það met í dag en hann gæti náð þeim áfanga að vera 72 ára gamall að þjálfa í efstu deild ef hann heldur áfram með liðið á næstu leiktíð.

Hodgson hefur verið þjálfari í 41 ár og hefur stoppað hjá 21 mismunandi liðum á mjög litríkum ferli.