Adama Traore, leikmaður Wolves á Englandi, þykir vera einn fljótasti ef ekki fljótasti leikmaður úrvalsdeildarinnar.
Traore býr yfir ótrúlegum krafti en hann samdi við Wolves í sumar eftir dvöl hjá Middlesbrough.
Þessi fyrrum leikmaður Barcelona hefur verið í aukahlutverki á tímabilinu en hann er enn að þróa sinn leik.
Margir tala um að Traore sé með allt það sem til þarf svo hann geti orðið einn öflugasti leikmaður deildarinnar.
Hann getur tekið menn á og er með mikinn sprengikraft en það skilar þó oft litlu og er ákvarðanatakan ekki sú besta.
Traore veit sjálfur hvað hann þarf að bæta og segist vera duglegur að gagnrýna sjálfan sig.
,,Ég hef alltaf verið fljótur en ég veit það sjálfur að ég þarf að bæta hvernig ég loka sóknum,“ sagði Traore.
,,Ég gagnrýni sjálfan mig mikið, ég reyni að einbeita mér að því sem ég þarf að gera betur og ég veit að á síðasta þriðjungnum þá get ég gert miklu meira.“
,,Nuno [Esperito Santo] vill að ég bæti mig svo ég geti spilað sem framherji og ég held ég geti gert það.“