Eden Hazard, leikmaður Chelsea, er besti leikmaður í sögu félagsins segir Joe Cole, fyrrum leikmaður liðsins.

Cole lék með Hazard hjá Lille í Frakklandi á sínum tíma áður en Hazard fór til Chelsea árið 2012.

Cole er mikill aðdáandi vængmannsins og hefur aldrei spilað með betri leikmanni.

,,Ég sagði það þegar hann skrifaði undir að hann yrði besti leikmaður í sögu Chelsea,“ sagði Cole.

,,Ég stend við það, ég trúi því ennþá. Samstarfsfélagar og liðsfélagar mínir hafa verið frábærir en Eden er besti leikmaður sem ég hef unnið með.“

,,Þegar þú horfir á hvað hann hefur gert á stuttum tíma, hann hefur verið ótrúlegur leikmaður.“

,,Hann er besti leikmaður deildarinnar og er í topp, topp klassa. Það er mikilvægt fyrir félagið að halda honum.“