Steven Gerrard, stjóri Rangers, var reiður í dag eftir markalaust jafntefli á heimavelli gegn St. Johnstone.
Rangers er nú fimm stigum á eftir toppliði Celtic eftir 26 umferðir og á Celtic einnig leik til góða.
Gerrard segir stuðningsmönnum að gleyma titlinum en hann segir að það vanti leiðtoga í leikmannahópinn.
,,Okkur vantar leiðtoga. Ég get ekki tekið neitt jákvætt úr þessu. Þar erum við,“ sagði Gerrard.
,,Eins og staðan er þá getum við gleymt titlum, gleymum því að minnka bilið.“
,,Ef þú spilar svona fyrir framan 50 þúsund manns þá eru það sönnunargögnin. Ég þarf ekki að nefna hitt eða þetta.“